Ayɛɛd Pɔl waragɛ nico ŋaati acabin niini alya sigina, ma agawek niini ɛlɛ daayiz, alaŋ bodo ka korog ŋinti rɛɛn orooŋun ni niini Timozi kiyiya kiyak nɔnnɔ taman. Eeci waanice gɔɔn Timozi atirit Pɔl ɔrɔɔt ɛlɛ, makacin ereezun Pɔl nɔnnɔ kiyo ŋɛɛrin o.
Ayelza zin Pɔl waragewe nico gi o awucnɛki nɔnnɔ ɔl o tuwento apiirna gidɛnta. Ma adizkek niini Timozi kagam ziniz kɔdɔɔk tuwente onin atuwi zɔɔz o Kiristɔ, ka kɛmɛda kuuwak mozɛta, yo nun ajowa piryakzɛt uuwak niini labak, ma aricanek buk nɔnnɔ kegerenyek demezok o voloŋo.
