Jɔn waanice eet codoi toonnyawe o Yeso een amɔnki codoi. Ayɛɛd niini wɛrɛgɛ nico o, ka kitirit ɔl ween Juz ki ɔl o alaŋ eegin Juz kutuweec Yeso. Alaŋ aduwa niini baayiz o Yeso bar aduwa vulyak ci atɛɛd ɔl biye meel agɔɔn Yeso ki demziin onin adɛmziin. Kaal nicigi ayelza gi ci alaŋ ɛɛnɛ Yeso eet ci deer doon bar niini Tammu buk.
Akanai wɛrɛgɛ zooze ci ɛɛnɛ Yeso zɔɔz o Tammo karabɔŋ een molok ci akunak looc, ma daayize onin izi todoyoi ci aara oŋɛ o loocu dook, ma een niini Kiristo baal aduyai kuni oninɛ Terkedinte o Rɛɛn e.
Zoone ceen 13-17 aduwa Jɔn zɔɔz o arɛɛzi Yeso nuyak ogin kibeen lotinɛt onin baal iloti nɔɔgɔ yomane baal ka kagamɔi e. Mazi aṯornɛkɛ wɛrɛgɛwi aduwa payiin baal apayɛkɛ ɔl Yeso daayiz ki doodinɛt onin keete ween talakec ki gɔɔl baal Iŋaani daayiza ma ayelzakɛ ɛlɛ nuyak ogin laak ci meelik e.
