Waragɛ o Tɛsolonika o Vuruto

Ayeedek Pɔl waragɛ nico ɔl o tuwento abaak Tɛsolonika nyelowene ci tɔɔny vurute ci ɛtɛyɛdɛkɛ niini nɔɔgɔ waragɛ baal rak oowu e laadun. Ma waragewe nico, adizkeek niini ɔl o atuwe kurukteek zɔɔ looc tuwente uneeŋ mayo nuun tɛ anyak kaalyan ci acina nɔɔgɔ agidi ɔl. Ma anyak waanice ɔl oogi ci anek nɔɔgɔ nɛ, abada Yesu odota, ma bodo ŋaato azi nɛ, azi ŋinti ka kabadai Yesu ajɔn, akɔm zin bodo kaal ci ka kiliŋliŋit niigi. Enek ni Pɔl nɔɔgɔ nɛ, má aziknu zoozok ci aduwa ɔl nicigi o. Ma oobek nɔɔgɔ gi ci alaŋ abon ɔl ci tuwento ŋaati adaakni eleeti, eeci ŋinti ŋaan Yesu kabadai o, anyak tiŋeere iinya ci azacin gerzitin loota, ma iŋaaz ɛɛti o arayin ɔl o gɛr, amarniin Tammu.