Waragɛ o Itoononek Vilimon

Ayeedek Pɔl ceen toonyai o waragɛ nico eet ci tuwento een kabaran kazi Vilimon. Anyak Vilimon gabaren cin een miroi kazi Onesimos. Ma uduun Onesimos ivir ŋaatin, ma vuruta iiya izi eet ci tuwento. Ma aku atirit Pɔl ŋao acabin. Itoon ni Pɔl Onesimos kimiire kook ŋaati Vilimon, kooyi waragɛ nico, ma ilalek niini Vilmon ẉaragewe nico kotoŋek Onesimos bacin cin o, yonun lootinowa ci ɔl o Rom azi nɛ ma avir miroiti ceen gabaren abon adaai o abon ooŋnek niini Onesimos bacin cin o labak. Ma Iilalek Pɔl Vilimon kagama miroi cin een gabaren o eeci izi gɔtɔni tuwɛnta.