Waanice Evesos kutuur ci appe ci abil libire ci nyakjo o liiltooga, inoko looc nice waanico, otoweec ɔl kizi Turkiya. Ook waanice abaak Pɔl ŋinaante, ma uuwak zɔɔz o Tammo ŋinaante irkitook iiyu (Tonnyak 19) makacin ɔl ci meelik kutuure nice utuyɔ, kibeen buk ɔl o kutuuryok o ajɔŋzɔ. Ma vuruta, mazi akɔ acabji Pɔl looce o Rom, eteyeedek niini nɔɔgɔ waragɛ nico, arɔɔŋ keyelek nɔɔgɔ gi ci tuwɛɛn uneeŋ ŋaaten Yesu, gi ci da aarek Tammu nɔkɔ laadun, ka Yesu kizi Manyi ci kaal dook loota, kibeen buk Tammu tadeena.
Ma zooce 1-3 Ɔɔb Pɔl gɔɔl o aŋɛraan Tammu ɔl ogin, ma ɛɛla nɔɔgɔ oŋene ugeec, giye o aanyekɛ nɔɔgɔ koromtɔzɛkɛ Yesu Kiristo daayize onin, kibeen buk ŋaazye onin daayiza. Ma zooce 4-6 ilootek niini ɔl o tuwento gɔɔl ci ka kabaakti niigi kiziti ɔl o oromtoozek Kiristo.
