Galatiya waanice looc ci abil looce o inoko izi Turkiya o kɔrgɛɛna. Ɔɔt ni uuwayit Pɔl ki Barnaba kaviyak o Yesu abon kutuuryowe ogɛn looce ci Galatiya o, makacin ɔl ci meelik utuyɔ (Toonnyak 13-14). Ma bodo vuruta, ivita ɔl ogɛn edemezteek ɔl o tuwento gi ci abon azuuni lotinok o Tammo rɛɛn, kibeen kɛranɛ o ɔl o Juuz, ma abon ɔl ugeec maac ateedi. Aadak ni Pɔl ɔl o atuwe gi ci anek nɛ. Ma ɔl dook o uteec Yesu, arogoz Tammu nɔɔgɔ, alaŋ arogoz Tammu ɔl o azooni kɛranɛ. Ma oobek nɔɔgɔ gi baal ɛlɛɛmɔi zɔɔz nici toonnyaye o Kiristo Jerusalɛma e (Toonnyak 15).
Ma zooce 3-4 Ɔɔb Pɔl ma azɛɛd juruuŋ gi o akomneket ageet gi o ka kanycɛkɛ Tammu katalɔ kaale o kagɔɔn, olla gi ci ka kobontai naaga ŋuume o Tammo dook nɛɛn tuwɛɛn onai, kiyo Ibrayim baal een jijiiti ɔl o Juuz e. Ma zooce 5-6 o, ayelaza Pɔl gi o naaga ɔl o tuwento, abon kaanyekɛ Tammu karawoyet ageet rogete cinai o, ka kaanyet ageet kuzuuti lotinɛt o adikir kujuk gɔnɔg dook, ka kereezit buk naaga ɔl ci gaagai.
